体育首页   帮助中心   网站公告     关于我们
 
国际足球    国内足球   
西甲新闻    英超新闻   
意甲新闻    德甲新闻    赛事分析    赛事推荐    赛事爆料    花边体育    赛事预测    赛事前瞻    专家拆局    名家推荐    综合体育    足彩分析    NBA焦点    体育视频    CBA焦点    热点新闻    名报综合    瞬间精彩    终极解盘    网球新闻   
 
首页 -> 名报综合

皇馬大舉掃雷

来源: 时间:2019-11-08 17:43:10

快車遇榜尾出力追數
今晚西甲快車繼續展開,皇家馬德里喺主場巴拿貝同雷加利斯上演同區打吡。上輪作客爆冷輸畀馬略卡嘅皇馬,為免畀其他前列球隊拋離,主場面對榜尾分子雷加利斯自然冇手軟,搶3分之餘亦盡力爭取更多入波,中位數3.5球嘅大盤值博。

(Now 632及611周四凌晨4時15分直播)

今季西甲多支勁旅發揮失常,皇馬亦唔例外,上輪作客倒灶0比1不敵新升班嘅馬略卡,演出欠缺說服力,吞下今季首敗只可說句咎由自取。好彩「銀河艦隊」喺巴拿貝出擊向來有保證,近4次主場獲3勝1和,其中3場開4球或以上。皇馬有此佳績,全憑聯賽斬獲6球嘅賓施馬同一眾進攻好手嘅可靠表現,加上原定上周末舉行嘅「國家打吡」被迫延期,皇馬眾將獲充裕時間休息抖到足,有望發揮體能優勢,入得幾多得幾多。

雷加利斯或放手一搏
暫時喺西甲排包尾嘅雷加利斯,上仗靠丹麥前鋒巴夫韋迪一箭定江山,1比0擊敗馬略卡,踢咗10輪終於「開齋」,總算打破一勝難求嘅心理關口,球員士氣相信有所提升。可惜佢哋後防質素有限,今季4次作客場場有失波,就算單計近4次到訪巴拿貝亦失咗10粒,但留意番當中3次能夠攻破對手大門。今仗為求擺脫榜尾污名,可能放手一搏同皇馬鬥攻,希望殺出一條血路,中位數3.5球嘅大盤屬好路之選。

标签: