体育首页   帮助中心   网站公告     关于我们
 
国际足球    国内足球   
西甲新闻    英超新闻   
意甲新闻    德甲新闻    赛事分析    赛事推荐    赛事爆料    花边体育    赛事预测    赛事前瞻    专家拆局    名家推荐    综合体育    足彩分析    NBA焦点    体育视频    CBA焦点    热点新闻    名报综合    瞬间精彩    终极解盘    网球新闻   
 
首页 -> 名报综合

紅軍半場KO錫菲聯

来源: 时间:2019-10-09 10:02:30

留力歐聯速戰速決
今晚英超頭場戲碼,弗到漏油嘅「1哥」利物浦作客錫菲聯。紅軍開咧後聯賽6連勝,多名主力喺周中英聯盃都有得抖,養精蓄銳實搶韁,加上要兼顧下周中上演嘅歐聯賽事,今場造訪識守唔識攻嘅錫菲聯,預計紅軍一定玩閃擊戰,半場客勝有買趁早。

(Now 621及611周六晚7時30分直播)

利物浦從未贏過英超錦標,上季又一次功敗垂成,今季決心捲土重來;事實上紅軍開季冇耐已經撻着晒,頭6輪聯賽全勝,而且全部都喺上半場取得領先優勢,包括擊敗實力分子阿仙奴及車路士,氣勢如虹。啱啱周中英聯盃作客以2比0擊敗英甲球隊米爾頓凱恩斯一役,主帥高普半力出擊,只用洛夫雲、阿歷士張伯倫、拉爾拉拿等後備擔正,射手穆罕默德沙拿、沙迪奧文尼、羅拔圖法明奴、華基爾雲迪積克等多名主力均被收起,等佢哋得到充分休息迎接今仗。

錫菲聯龜縮頂唔住
錫菲聯幾經努力,終於事隔12年重返英超,之不過實力只屬「有限公司」,淨係識打穩守突擊,進攻模式堅單調,對住強隊一定龜縮玩死守,希望吼準機會踢反擊,偷雞博取聯賽積分。更可惜係最有威脅嘅前鋒比利沙柏今場要坐波監,連零星反擊力都冇埋,錫菲聯日前喺英聯盃主場鬥甲組仔新特蘭,結果又輸0比1,堅肉酸兼打擊士氣,今仗就算有地利都信唔過。

再者,由於利物浦喺歐聯首輪分組賽淨吞拿玻里兩蛋,作為衞冕之師,下周中次輪出戰薩爾斯堡實在不容再失,因此今場定必想速戰速決,盡早入波鎖定勝局,可於中後段換出部分主力提早休息,迎接歐聯關鍵戰;既然紅軍今季聯賽咁鍾意先發制人,一於捧半場客勝。

标签: